யாழ்ப்பாணத்து ரவுடி கிளிநொச்சியில் நையப்புடைப்பு!
புளியம்பொக்கனை கலவட்டித்திடல் பகுதியில் வசிக்கும் ஒருவரை தாக்குவதற்காக யாழ்ப்பாணத்திலிருந்து சென்ற ரவுடிக் கும்பலைச் சேர்ந்த மூன்று பேர் அப்பகுதி இளைஞர்களால் பிடிக்கப்பட்டு தாக்கப்பட்ட நிலையில் இருவர் தப்பிச் சென்றுள்ளனர்.
ஒருவர் நையப்புடைப்பட்ட நிலையில் தருமபுரம் பொலிஸ் நிலையத்தில் ஒப்படைக்கப்பட்டுள்ளார். கைது செய்யப்பட்டவரிடமிருந்து வாள் மற்றும் இரும்புக் கம்பி அவர்கள் பயன்படுத்திய மோட்டார் சைக்கிள் ஒன்றும் தர்மபுரம் போலீஸ் நிலையத்தில் ஒப்படைக்கப்பட்டுள்ளது.
இச்சம்பவம் தொடர்பாக தர்மபுரம் பொலீஸார் மேலதிக விசாரணைகளை மேற்கொண்டு வருவதுடன் சந்தேக நபரை இன்றைய தினம்(11.05.2023) கிளிநொச்சி மாவட்ட நீதிமன்றல் முற்படுத்த நடவடிக்கை எடுக்கப்பட்டுள்ளதாக தெரிவித்துள்ளனர்.
சந்தேக நபருக்கு யாழ்ப்பாணம் சுன்னாகம் பகுதியில் பல்வேறு திருட்டு சம்பவங்கள் தொடர்பாக வழக்குகள் உள்ளதாகவும் விசாரணைகளின் மூலம் தெரிய வந்துள்ளது.
