இரண்டு கோடி பெறுமதியான கேரள கஞ்சாவுடன் ஒருவர் கைது!
இரண்டு கோடிக்கும் அதிகமான பெறுமதியுடைய கேரள கஞ்சாவுடன் சந்தேகநபர் ஒருவர் கைதுசெய்யப்பட்டுள்ளதாக போதைப்பொருள் ஒழிப்பு பிரிவு பொலீஸார் தெரிவித்துள்ளனர்.
பாணந்துறையிலிருந்து களுத்துறை நோக்கி பயணித்த வாகனத்தை பொத்துபிட்டிய பகுதியில் சோதனைக்கு உட்படுத்திய போது 63 கிலோ 200கிராம் கேரள கஞ்சா கைப்பற்றப்பட்டதாக தெரிவிக்கப்பட்டுள்ளது. இதன் பெறுமதி இரண்டு கோடி ரூபாய்க்கும் அதிகமானது என தெரிவிக்கப்பட்டுள்ளது.
கைது செய்யப்பட்டுள்ள சந்தேக நபரிடமிருந்து 7 இலட்சம் ரூபாய் பணமும் பறிமுதல் செய்யப்பட்டுள்ளது. 39 வயதான குறித்த சந்தேக நபரிடம் விசாரணைகளை மேற்கொண்டு வருவதாக பொலிஸார் தெரிவித்துள்ளனர்.
